← All lyrics
Karuppu vellai by Kaber Vasuki cover art

Karuppu vellai

Single • 2021

மனதில்‌ நான்‌ தொழுத நாயகர்கள்‌
நிஜத்தில்‌ கண்டேன்‌ பிம்பம்‌ கரைந்தது
கற்பனையை மிஞ்சும்‌ பொய்கள்‌ ஊரும்‌ விரும்பி நம்பும்‌
இதுதான்‌ நான்‌ கற்றுக்கொண்டது
இடதுப்பக்கம்‌ ஒரு கதை அவள்‌ கூவ
வலதுப்பக்கம்‌ வேறுக் கதைப் பாடுகிறாள்‌
எது உண்மை எது எனக்கு உபயோகம்‌
எதை நம்புவது நான்‌ செய்யும்‌ சுயத் துரோகம்‌
சிந்தனை ஆற்றில்‌ மிதந்து போய்‌
கண்டேன்‌ எனது அறிவின்‌ எல்லை
ஊரின்‌ பேச்சின்‌ எதிரொலிகள்‌
அன்றும்‌ இன்றும்‌ என்றும்‌
கருப்பு வெள்ளை
கருப்பு வெள்ளை
என்‌ வாய்‌ வழியே விழுந்த வார்த்தை எல்லாம்‌
வத்தல்‌ போலே தரையில்‌ பரப்பினாய்
உன்‌ வாதத்துக்கு சாதகம்‌ எது என்று
சலித்து சிலதை என்னிடம்‌ நீட்டினாய்‌
ஆயிரத்தில்‌ இருந்து இரண்டை மட்டும்‌ எடுத்து
என்‌ எண்ணத்துக்கு வண்ணம்‌ பூசினாய்‌
கண்ணே நீ பொய்‌ பேச என்னென்னவோ பண்ணுது
எண்ண வண்ணம்‌ பூசிய கண்ணே
என்ன வண்ணம்‌ பூசினாய்‌?
சரி தவறு; நன்மை தீது
எதிரி பந்தம்‌; வெற்றி தோல்வி
போர்‌ புரட்சி நியாயம்‌ நீதி
வசதி வறுமை; மட்டம்‌ அருமை
சிந்தனை ஆற்றில்‌ மிதந்துப் போய்‌
கண்டேன்‌ எனது அறிவின்‌ எல்லை
ஊரின்‌ பேச்சின்‌ எதிரொலிகள்‌
அன்றும்‌ இன்றும்‌ என்றும்‌
கருப்பு வெள்ளை
உன்னை பற்றியே நீயே பொய்கள்‌ நம்பித் தானே வளர்ந்தாய்‌
வெறுப்போர்‌ குற்றச்சாட்டைச் சாட்டை அடி போல்‌ சுமந்தாய்‌
தழும்பும்‌ விழவிழ அழுகை எழஎழ
சாட்டைக் கற்பனை இரத்தம்‌ உண்மைதான்‌
இதில்‌ யாரை நம்ப எப்படி நம்ப?
எந்த கேள்விகள்‌ எப்போது எங்கு கேட்க?
தனியே அமைதியில்‌ தோன்றும்‌ தெளிவும்‌
கூட்டத்தின்‌ வெப்பத்தில்‌ ஆவி ஆக
சிந்தனை ஆற்றில்‌ மிதந்துப் போய்‌
கண்டேன்‌ எனது அறிவின்‌ எல்லை
ஊரின்‌ பேச்சின்‌ எதிரொலிகள்‌
அன்றும்‌ இன்றும்‌ என்றும்‌
அன்றும்‌ இன்றும்‌ என்றும்‌
கருப்பு வெள்ளை